Newsak Humanitate eta Hezkuntza Zientziak

Huhezi new 2

2022·04·07

2. ZK.

02. buletina / 2022ko udaberria

Zortzi ikerketa proiektu konpetitibo lortu ditugu aurten

Humanitatea eta Hezkuntza Zirentzien Fakultatean zortzi proiektu konpetitibo lortu ditugu ikasturte honetan. Iraupen, rol eta bidaide ezberdinak dituzte proiektuek, eta jorratzen ditugun jakintza arlo desberdinak landuko dituzte, adibidez, STEM gaiak, hezkuntza berrikuntza, gobernantza edo eraldaketa eta ekintzailetza soziala.

Informazio gehiago

Hezkuntza eskaintza erdi-presentzialari buruzko informazio saioak

Hurrengo ikasturtean ere, Fakultateak eskainiko du aukera Hezkuntza graduatuei bigarren gradu bat edo bigarren espezialitate bat modalitate erdi-presentzialean ikasteko. Gainera, diploma titulua dutenek ere aukera izango dute, Egokitze kurtsoari esker, titulazioa eguneratzeko eta gradu titulua lortzeko. Eskaintza erdi presentzila horiei guztiei buruzko online informazio saioak antolatu ditugu maiatzaren 5ean eta ekainaren 16an.

Informazio gehiago

Ikus-entzunezkoen sormena sustatzen Aretxabaletako campusean

Sormena eta berrikuntza dira Mondragon Unbertsitatearen eredu pedagogikoaren ardatz garrantzitsuak. Ikasleek ez dituzte konpetentzia horiek curriculum akademikoan bakarrik jorratzen, modu paraleloan, unibertsitateak antolatzen ditu zenbait ekintza, esaterako, Huhezinema Euskal Film Laburren jaialdia eta Euspot Euskarazko Spot Lehiaketa.

Informazio gehiago

Alumni hitzaldiak ikusgai

Pasa den otsailaren 7an, 24an eta martxoaren 3an, egin genuen Alumni Hitzaldi Zikloko lehenengo edizioa. Aretxabaletako campusetik zuzenean emititutako ekitaldietan landu genituen datuen analisia eta enpresa, komunikazioa eta ahoskotasuna, eta soluzio teknologikoak. Dagoeneko, sarean jarri ditugu hiru hitzaldiak:

Master berria eskainiko dugu: Gastronomiako Irakasle Prestakuntza

Mondragon Unibertsitateko Gastronomia Zientzien Fakultatearekin (Basque Culinary Center) batera, unibertsitate master berria eskainiko dugu hurrengo ikasturtetik aurrera: Gastronomiako Irakasle Prestakuntza. Masterraren helburua da prestatzea profesionalak izango dutenak gastronomiaren arloan lan egiteko oinarri pedagogiko eta didaktiko espezifiko sendoa.

Informazio gehiago

‘MUniversitas’ eta ‘Ikertzen’ aldizkariak

Kaleratu ditugu MUniversias unibertsitateko aldizkariaren azken 50. zenbakia; oraingoan gainera, Ikertzen ikerketari buruzko 15. gehigarriarekin batera dator. Hemen dituzu bi argitalpenen PDFak eskuragarri:

'MUniversitas' (50. zenbakia)

'Ikertzen' (15. zenbakia)

.EUS domeinuetan deskontuak

Mondragon Unibertsitatek eta PuntuEUS Fundazioak sinatutako akordioari esker, unibertsitateko Alumnni elkarteko kideek %25eko deskontua izango duzue euskal domeinua kontratatzerakoan, Gainera, aurten, domeinuaz gain, urte beterako hostinga doan eskatzeko aukera dago hainbat hornitzailerekin.